Қостанайда үш жасар бала терезеден құлап кетті

<p style="text-align: justify;">Төтенше жағдайлар министрлігі баспасөз қызметінің хабарлауынша, бала екінші қабаттағы терезеден құлап кеткен, деп жазады <a href="/" target="_blank" rel="noopener noreferrer">Egemen.kz</a>.</p>

Бала түрлі жарақат алып, Қостанай облыстық балалар ауруханасына жатқызылған.

«Сағат 13:25-те 2021 жылы туған бала түскен. Диагнозы: тұрғын үйдің екінші қабатындағы терезеден құлап, жарақат алған. Баланың бел аймағындағы жұмсақ тіндер көгерген. Оның жағдайы орташа ауыр», деп мәлімдеді Қостанай облысының денсаулық сақтау басқармасы.

Ведомство науқастың облыстық балалар ауруханасында толық ем қабылдап жатқанын мәлімдеді.