Елімізде 35 градусқа дейін ыстық болады

<p style="text-align: justify;">Синоптиктер алдағы үш күнге арналған ауа райы болжамын жариялады, деп хабарлайды <a href="/" target="_blank" rel="noopener noreferrer">Egemen.kz</a>.</p>

Мамандардың болжамынша, алдағы күндері Қазақстанның басым бөлігінде ауа райы тұрақсыз болады. Көптеген өңірлерде қысқа мерзімді жаңбыр жауып, найзағай ойнап, жел күшейеді. Тек еліміздің оңтүстік-батысында ауа райы жауын-шашынсыз болады.

«Температуралық фонға келетін болсақ, жаз ел аймақтарына өз әсерін тигізеді. Мәселен, республиканың солтүстігі мен орталығында ауа температурасы біртіндеп 17-27 градусқа дейін жылынады, ал елдің оңтүстігінде 27-35 градусқа дейін ысиды», делінген хабарламада.