Ақмола облысында кәсіпорынның сейфін ұрлағандар ұсталды

<p style="text-align: justify;">19 маусымға қараған түні Ақмола облысында орналасқан кәсіпорынның бірінен сейф ұрланды, деп жазады <a href="/" target="_blank" rel="noopener noreferrer">Egemen.kz</a>.</p>

Бетперде киген үш белгісіз адам кәсіпорынның бухгалтерлері отыратын кабинетінің есігін бұзып, металл сейфті қолды еткен.

Жедел-іздестіру іс-шараларының нәтижесінде полицейлер үш күдіктіні анықтады. Олардың қылмысқа қатысы бар-жоғы тексеріліп жатыр.

«Қарақшылар сейфте бірнеше миллион теңге қолма-қол ақша бар деп үміттенді, алайда бұл күндері мәмілелер қолма-қол ақшасыз жүргізілді, ал сейфте шамамен 500 мың теңге ақшалай сома болған», деді кәсіпорын басшысы.

Қаскүнемдер сол күні ұсталып, ұрлық бір күнде ашылды.