Павлодарда балаларды ұрған тәрбиеші жұмыстан шығарылды

<p style="text-align: justify;">Павлодарда балабақшадағы бүлдіршіндерге қол көтерген тәрбиешінің әрекеті бейнекамераға түсіп қалды. Облыстық білім басқармасы оқиғаға қатысты түсініктеме берді, деп жазады <a href="/" target="_blank" rel="noopener noreferrer">Egemen.kz</a>.</p>

«1 шілдеде балабақшадағы орта топтың бірінде тәрбиеленіп жатқан балалардың ата-аналары басшының міндетін атқарушыға бейнебақылау камераларын қарау туралы өтінішпен жүгінді. 26-27 маусымдағы жазбаларда тәрбиешінің балаларға дөрекі қарым-қатынасы байқалды», делінген басқарма хабарламасында.

Осыған байланысты Павлодар қаласындағы №79 балабақша тәрбиешісі жұмыстан шығарылған.

Іске қатысты барлық материалдар құқық қорғау органдарына беріледі.