Өтпей қалған жекпе-жек
<p style="text-align: justify;">Орта салмақ бойынша WBO және IBF тұ­жырымы бойынша чем­пиондық белбеу иегері кә­сіпқой боксшы Жәні­бек Әлімханұлы ке­зекті жекпе-жегі алдында ауруханаға түс­ті. Әлем чемпионы өзінің атағын қорғап жаңазеландиялық Ан­дрей Михайловичке қар­сы жекпе-жекке түсуі тиіс еді. Боксшының ме­неджері Берік Сұлтан Жәнібек Әлімханұлының салмақ тастау кезінде есінен танып, ауруханаға жет­­кізілгенін мәлім етті.</p>
Оның қарсыласы Андрей Михайлович жекпе-жек үшін мыңдаған шақырым жолды өндіріп АҚШ-қа келгеніне өкінішін білдірді. Екі боксшы арасындағы жекпе-жек 13 шілдеден 14-іне ауған түнде АҚШ-тың Лас-Вегас қаласында өтуге тиіс болатын.
Мамандар боксшы сырқатынан айығуы үшін кемінде 2-3 ай емделуі керек дегенді алға тартып отыр. Жәнібек өзінің чемпиондық белбеуін қалайда қорғауға тиіс. Егер кез келген боксшы жазатайым жағдай орын алып жарақаттанса, ауырып қалса, емделуіне үзіліс беріледі. Одан кейін қорғамаса, атағынан айырады.