Зағип альпинист
<p style="text-align: justify;">Америкалық Эрик Вайхенмайер көз торының туа біткен ақауына қара­мастан, Эверест шыңын бағын­дыр­ған азамат. Ол осылайша, мүм­кіндігі шектеулі адамдардың өзі көп нәрсе тындыра алатынын дәлелдеді.</p>
Эрик бала кезінде зағиптығын мойындамай, Брайль жазуын үйренуден бас тартыпты. Намысын қайрап, жастайынан спортты өміріне серік етеді. Қанша мәрте сүрінсе де жігері жасымайды. Нәтижесінде, 2001 жылы Гималайдың шырқау шыңына шығып, әлем жұртшылығының таңдайын қақтырады. 2002 жылы Солт-Лейк-Ситиде өткен Паралимпиада ойындарының эстафетасында алау жағу құрметіне ие болады. «Өмірде кез келген адамды құлдырататын кедергілер кездеседі. Бірақ біз оларды жеңіп, бақытты өмір сүре аламыз», дейді Э.Вайхенмайер.