Өзбекстан Олимпиада жүлдегерлеріне қанша сыйақы табыстады
<p style="text-align: justify;">Өзбекстан Париж Олимпиадасында 8 алтын, 2 күміс, 3 қола медальмен 13 орынға табан тіреді. Бұл көрсеткішпен көрші ел Орталық Азияда көш бастады, деп жазады <a href="/" target="_blank" rel="noopener noreferrer">Egemen.kz</a>.</p>
11 тамыз күні Өзбекстан атлеттері еліне оралды. Жүлдегерлерді O‘zbekiston Vazirlar Mahkamasi (Өзбекстан министрлер кабинеті), федерациялар мен жанкүйерлер Ислом Каримов атындағы халықаралық әуежайда сән-салтанатпен күтіп алды.
Көрші ел чемпиондары арнайы автобуспен Ташкент қаласын аралап, Өзбекстанның ұлттық олимпиадалық комитеті ғимараты алдында ұйымдастырылған іс-шараға қатысты.
Мерекелік жиында елдің Бош вазири (Премьер-министр) Абдулла Арипов жеңімпаздарға мемлекет тарапынан берілетін сыйақы мен қомақты сыйлықтарды табыстады.
Алтын медаль иегерлеріне:
- 200 мың АҚШ доллары;
- Tahoe автомобилі;
- 2 қабатты коттедж;
Күміс медаль иегерлеріне:
- 100 мың АҚШ доллары;
- BYD Song Plus EV Champion автомобилі;
- Пәтер;
Қола медаль иегерлеріне:
- 50 мың АҚШ доллары;
- BYD Song Plus DM-i Champion автомобилі;
- Пәтер.