Ел хоккейшілері Олимпиада жолдамасын иелене алмады
<p style="text-align: justify;">Шайбалы хоккейден Словакияның Братислава қаласында өтіп жатқан 2026 жылғы Олимпиадаға іріктеу турнирінде Қазақстан құрамасы жолдама иелене алмады, деп жазады <a href="/" target="_blank" rel="noopener noreferrer">Egemen.kz</a> Ұлттық Олимпиадалық комитетке сілтеме жасап.</p>
Шешуші матчта Қазақстан құрамасы Словакияға есе жіберді. Қос команда D тобында 6 ұпай жинап Венгрия мен Австрияны қапы қалдырған.
Ал Олимпиада жолдамасына қорытынды матчта жеңіске жеткен команда ғана қол жеткізетін еді. Бұл кездесуде ел құрамасы Слоавкия хоккейшілерінен 3:1 есебімен жеңілді.
Қазақстан сапынан жалғыз шайбаны Никита Михайлис соқты. Осылайша, Олимпиада ойындарына Словакия жолдама алды.
Еске салайық, бұл турнирде Қазақстан Венгрияны 5:2, Австрияны 2:1 есебімен ұтқан еді.