«Оскарға» ұсынылды
<p style="text-align: justify;">Режиссер Асхат Кучинчирековтің «Бауырына салу» фильмі Оскар комитетінің «International Feature Film» аталымына ұсынылды. Көркем туынды жуырда ғана «Тұлпар» ұлттық сыйлығын иеленген еді. Айта кетейік, аталған фильм Мәдениет және ақпарат министрлігі мен Ұлттық киноны қолдау орталығының қолдауымен түсірілді.</p>
Америка академиясының дауыс беруі үш кезеңде өтеді. 9-13 желтоқсан аралығында академиктер шортлист жасақтайды, ол 17 желтоқсанда жарияланады. Дауыс беру 8-12 қаңтар аралығында өтеді. Оның қорытындысы бойынша 17 қаңтарда барлық санаттағы номинанттар белгілі болады. Ал үшінші – соңғы кезең 11-18 ақпан аралығы.
Жеңімпаздардың есімі 2 наурызда Лос-Анджелесте конверттерді ашу салтанатында жарияланады. Егер фильм номинант ретінде ұсынылса, режиссер шақырту алады. «International Feature Film» санатындағы мүсіншеде мемлекет пен фильмнің атауы, режиссердің есімі көрсетіледі.