Қазақстан мен Ресей шекара мәселесін талқылады

<p style="text-align: justify;">Алматыда Қазақстан-Ресей бірлескен демаркация комиссиясының 143-ші отырысы өтті, деп хабарлайды <a href="/" target="_blank" rel="noopener noreferrer">Egemen.kz</a> ҚР Сыртқы істер министрлігінің баспасөз қызметіне сілтеме жасап.</p>

Тараптар мемлекеттік шекара сызығының әртүрлі учаскелерінде оны белгілеуге қатысты бірқатар мәселелерді талқылады. Демаркациялаудың қорытынды құжаттарының тиісті жобаларын, сондай-ақ 2025 жылға арналған Бірлескен Қазақстан-Ресей демаркациялық комиссиясы жұмысының және камералдық жұмыстардың жоспар-кестелерін бекітті.

Айта кетейік, комиссияның келесі отырысы 2024 жылғы желтоқсан айында Ресей Федерациясының аумағында өтеді.