Алматы іргесіндегі ауылдың шетінен ер адамның мәйіті табылды

<p style="text-align: justify;">Қарасай ауданы, Алмалыбақ ауылының шетінен  2 қарашадан бері із-түзсіз жоғалған 51 жастағы ер адамның мәйіті табылды, деп хабарлайды <a href="/" target="_blank" rel="noopener noreferrer">Egemen.kz</a>.</p>

Алматы облысының полиция департаментінің мәліметінше, мәйіт 9 қарашада табылған. Адам өлтіру дерегі бойынша қылмыстық іс қозғалған.

«Жедел іздестіру іс-шараларының нәтижелері бойынша 9 қарашада криминалдық полиция қызметкерлері төрт күдіктіні анықтап, ұстады және уақытша ұстау изоляторына қамады. Қазіргі уақытта қылмыстың барлық мән-жайлары мен себептерін объективті зерттеуге бағытталған қажетті тергеу әрекеттері жүргізіліп жатыр», деп атап өтті облыстық полиция департаментінің баспасөз қызметі.