Қуаныш – С.Бердіқұлов сыйлығының лауреаты
<p style="text-align: justify;">Астанада Туризм және спорт министрлігінің ұйымдастыруымен Спорт саласындағы жыл үздіктері марапатталды. Салтанатты жиынға Парламент депутаттары, Олимпиада жеңімпаздары мен жүлдегерлері, әлем біріншіліктері мен халықаралық жарыстардың жеңімпаздары, спорт журналистері қатысты.</p>
Жиында Туризм және спорт министрі Ербол Мырзабосынов 2024 жыл отандық спорт үшін ерекше жыл болғанын жеткізді. Қазақ спортшылары биыл халықаралық ірі додаларда табысты нәтиже көрсетсе, елімізде ірі жарыстар ұйымдастырылды. Оның бірі V Дүниежүзілік көшпелілер ойыны. Дүбірлі додаға әлемнің 89 елінен спортшылар қатысты. Қазақстан құрамасы жалпыкомандалық есепте топ жарды.
Сонымен жыл қорытындысы бойынша «Үздік» деп танылғандар: Елдос Сметов, Давид Дегтярев – «Жылдың үздік спортшысы»; Ғалымжан Жылгелдиев, Юрий Колесников – «Жылдың үздік жаттықтырушысы»; Ақмарал Науатбек – «Спортта үздік серпін» сыйлығымен марапатталса, ал әріптесіміз Қуаныш Нұрданбекұлы «Жылдың үздік спорт журналисі» ретінде Сейдахмет Бердіқұлов атындағы сыйлықтың лауреаты атанды. Сонымен қатар осы аталымда Жандос Айтбайұлы («Хабар» телеарнасы), Назерке Сұлтанбек («Sport+» сайты) марапатталды.