«Ұлттық кітап» республикалық байқауы басталды
<p style="text-align: justify;">Бұл байқау Қазақстан Республикасы Мәдениет және ақпарат министрлігінің ұйымдастыруымен «Ұлттық кітап күні» мерекесіне орай өткізіледі, деп хабарлайды <a href="/" target="_blank" rel="noopener noreferrer">Egemen.kz</a> министрліктің баспасөз қызметіне сілтеме жасап.</p>
Байқаудың негізгі мақсаты – кітап оқу мәдениетін қалыптастыру, үздік авторларды анықтап, қазақ әдебиетінің, руханиятының дамуына ықпал ету. Аудармашыларды, баспагерлер мен кітап дизайнерлерін қолдау және ынталандыру.
Байқау келесі 10 номинация бойынша өтеді:
- Балаларға арналған үздік кітап;
- Үздік комикс;
- Нон фикшн жанрындағы үздік кітап;
- Детектив жанрындағы үздік кітап;
- Сатира жанрындағы үздік кітап;
- Үздік илюстрациялық кітап;
- Үздік аударма кітабы;
- Фантастика жанрындағы үздік кітап;
- Үздік баспа;
- «Жыл кітабы» Гран-при сыйлығы.
«Конкурсқа кейінгі екі жылда жарық көрген туындылар қабылданады. Қабылдау мерзімі аяқталғаннан кейін түскен жұмыстар тіркелмейді. Байқауға жұмыстар 2025 жылғы 15 қаңтар – 1 сәуір аралығында қабылданады», делінген хабарламада.
Байқауға өтінім беру туралы толығырақ ақпаратты мына телефон арқылы алуға болады: +7 775 897 7788, +7 727 397 61 15.
Естеріңізге сала кетейік, Мемлекет басшысының бастамасымен жаңа мереке – «Ұлттық кітап күні» алғаш рет 23 сәуірде атап өтіледі.