Қарағанды облысында тас жолда 19 көлік соқтығысты
<p style="text-align: justify;">Қарағанды облысындағы тас жолда бірден 19 көлік соқтығысып қалды, деп хабарлайды <a href="/" target="_blank" rel="noopener noreferrer">Egemen.kz</a> «ҚазАвтоЖол»-ға сілтеме жасап.</p>
23 қаңтарда сағат 10:30-дан бастап «Екатеринбург-Алматы» автожолының қайта жаңғырту учаскесінде Балқаш-Қарағанды бағыты бойынша көлік қозғалысы ашылды. Мұндай шешім ауа райының жақсаруына және көліктердің жиналуына байланысты қабылданған. Қозғалыс Қарағанды облысының әкімшілік полиция басқармасы және «ҚазАвтоЖол» АҚ қызметкерлерінің қолдауымен ұйымдастырылып отыр.
«Сағат 12:30-да осы учаскеде 1630 шақырымда 19 автокөліктің қатысуымен ірі жол апаты орын алды. Оқиға орнында Төтенше жағдайлар министрлігі мен жедел жәрдем қызметкерлері жұмыс істеп жатыр. Апаттың алдын ала себебі - жылдамдықты сақтамау», деп хабарлады «ҚазАвтоЖол».