Сэнфордтағы сәйкестік
<p style="text-align: justify;">«Құдіретті Брюс» фильмінде басты кейіпкер Құдаймен 776-2323 нөмірі арқылы байланысады. Фильмнің оқи­ға­сы өтетін Буффало қаласында бұл нөмір бос болғанымен, басқа өңір­лерде нақты адамдарға тиесілі еді.</p>
Көрермендер Құдаймен сөйлесуді қалағандықтан ба, әлде жай қызығушылықтан ба – осы нөмірге жаппай қоңырау шала бастады. Ең ерекше жағдай Солтүстік Каролина штатының Сэнфорд қаласында болды. Себебі бұл нөмір жергілікті шіркеуге тиесілі болып шықты. Фильмнен кейін шіркеу қызметкерлері аяқ астынан жүздеген қоңырау қабылдауға мәжбүр болды. Осы күтпеген жағдайдан кейін фильмнің DVD нұсқасында нөмірді 555-0123 деп өзгерту туралы шешім қабылданды. Себебі 555 бастамасы АҚШ-та тек ойдан шығарылған телефон нөмірлері үшін қолданылады.