Бүгін дүниежүзілік денсаулық сақтау күні
<p style="text-align: justify;">7 сәуір – Дүниежүзілік денсаулық күні. Бұл күн әлемдік қауымдастықтардың назарын денсаулық сақтау саласындағы өзекті мәселелерге аударуға бағытталған, деп жазады <a href="/" target="_blank" rel="noopener noreferrer">Egemen.kz</a>.</p>
Дүниежүзілік денсаулық сақтау ұйымының бастамасымен жыл сайын аталып өтетін бұл күннің мақсаты – халықтың денсаулығын нығайту және салауатты өмір салтын насихаттау. Елімізде де бұл бағытта ауқымды іс-шаралар жүзеге асырылып келеді.
Мемлекет басшысының тапсырмасына сәйкес, республика көлемінде 500-ден астам алғашқы медициналық-санитарлық көмек нысандары салынды. Бұл ауылдық жерлердегі медициналық қызметтердің қолжетімділігін арттыруға септігін тигізеді.
Сонымен қатар, салауатты өмір салтын қалыптастыру мақсатында 2023-2025 жылдарға арналған ведомствоаралық жол картасы әзірленді. Бұл құжат халықтың денсаулық мәселелері бойынша сауаттылығын арттыруға және саламатты өмір салтын ұстанатын азаматтардың үлесін 30%-ға дейін жеткізуге бағытталған.
ДДҰ мәліметіне сәйкес адам денсаулығының 50%-ы ұстанатын өмір салтына байланысты. Сондықтан зиянды әдеттерден бас тартып, белсенді өмір сүру, дұрыс тамақтану және стресстік жағдайлардан аулақ болу – әрбір азаматтың өз қолында.