Алматыда су мен жылуды тұтынудың әлеуметтік нормалары енгізіледі
<p style="text-align: justify;"><span class="s6"><span class="bumpedFont15">Бүгін </span></span><span class="s6"><span class="bumpedFont15">Өң</span></span><span class="s6"><span class="bumpedFont15">ірлік коммуникациялар қызметінде ҚР Ұлттық экономика министрлігі</span></span><span class="s6"><span class="bumpedFont15"> Табиғи монополияларды реттеу к</span></span><span class="s6"><span class="bumpedFont15">омитетінің Алматы қалалық</span></span><span class="s6"><span class="bumpedFont15"> департаментінің табиғи монополиялар мен бағ</span></span><span class="s6"><span class="bumpedFont15">аларды реттеу бөлімінің басшысы</span></span><span class="s6"><span class="bumpedFont15"> Ардақ Жаңабаева </span></span><span class="s6"><span class="bumpedFont15">су мен жылуды</span></span><span class="s6"><span class="bumpedFont15"> ү</span></span><span class="s6"><span class="bumpedFont15">немдеуге үйретудің жаңа шаралары</span></span> <span class="s6"><span class="bumpedFont15">–</span></span><span class="s6"><span class="bumpedFont15"> тұтынудың әлеуметтік н</span></span><span class="s6"><span class="bumpedFont15">ормаларын енгізу жобасын ұсынды, деп хабарлайды <a href="/" target="_blank" rel="noopener noreferrer">Egemen.kz</a>. </span></span></p>
«Су ресурстарын тұтыну мәдениетін арттыру, тұтынушыларды су мен жылуды үнемдеуге ынталандыру үшін табиғи монополиялар туралы заңнамаға «тұтынудың әлеуметтік нормалары» ұғымы енгізілді. Бұл «неғұрлым көп үнемдесеңіз, соғұрлым аз төлейсіз» қағидаты бойынша сумен, жылумен жабдықтау қызметтерін тұтыну көлеміне байланысты жоғары тарифтерді белгілеуге бағытталған», дейді маман.
Ардақ Жаңабаеваның айтуынша, сумен жабдықтауда тарифтердің төрт деңгейлі жүйесі қолданылады: 3 м³ дейін – қолданыстағы тариф; 3-тен 5 м³ дейін – +20%; 5-тен 10 м³ дейін – +50%; 10 м³ жоғары және есептегіш болмаған жағдайда – қос тариф есептелінеді.
Жылыту нормалары тұрғын үйдің ауданы бойынша есептеледі: 100 м² дейін – бекітілген тариф; 100-ден 200 м² дейін – +10%; 200 м² жоғары– орташа тариф.
Сарапшы сараланған тарифтерден түсетін қосымша қаражат тұрғын үй-коммуналдық шаруашылығын жаңарту ісіне жұмсалатынын айтады. Атап айтқанда, инженерлік желілер жаңартылып, ресурс үнемдейтін технологиялар енгізіледі және есептеу құрылғылары орнатылады.
Қазіргі таңда инвестициялық бағдарламаларды өзгерту үшін «Алматы Су» (3,3 млрд теңге) мен «Алматы жылу жүйесінің» (83 млн теңге) өтініштері қаралып жатыр.
«Бұл шаралар инфрақұрылымды дамытып қана қоймай, тұрғын үй көмегі есебінен мұқтажотбасыларды атаулы түрде қолдауға мүмкіндік береді», дейді А.Жаңабаева.