Роботтар марафоны

<p style="text-align: justify;">Қытайда адам тәрізді роботтар арасындағы алғашқы жартылай марафон өтті. Тарихта тұңғыш рет ұйымдастырылған ерекше додаға Бейжің, Шанхай, Гуанчжоу, Цзянсу сынды өңірлерден 21 кәсіпорын мен жоғары оқу орнының командалары қатысқан.</p>

Әдеттегі марафонда спортшылар бір сәтте жарысты бастаса, бұл сайыста роботтар бірінен соң бірі жолға шықты.
21 шақырымдық жартылай марафонда роботтар спортшылармен қатарласып жүгірді. Қауіпсіздік мақсатында екі топқа бөлек жолақтар бөлінген. Осылайша, бұл іс-шара роботтехника мен жасанды интеллект саласындағы жетістіктерді көрсетіп қана қоймай, болашақта роботтардың қоғамдық өмірге белсендірек араласуы мүмкін екенін де әйгіледі.