Сара Назарбаева ауруханаға жатқызылған
<p style="text-align: justify;">Бүгін Сара Алпысқызы Назарбаеваның ауруханаға жатқызылғаны белгілі болды. Бұл ақпаратты «Қазақстан жетімдер үйлері түлектері қауымдастығы» ЗТБ президенті Рафаэль Гасанов растады, деп хабарлайды <a href="/" target="_blank" rel="noopener noreferrer">Egemen.kz</a>.</p>
«Менен Сара Алпысқызының сырқаттанғаны рас па деп сұрайды. Иә, өкінішке қарай, бұл – шындық» деп жазды ол.
Еске салайық, Қазақстанның Тұңғыш Президенті Нұрсұлтан Назарбаевтың жары Сара Назарбаева ұзақ жылдар бойы қайырымдылықпен және білім беру саласымен айналысып, ізгі педагогика, инклюзия және рухани-адамгершілік тәрбие идеяларын ілгерілетті. 1997 жылы бала және отбасы мәселелерін дамытуға қосқан үлесі үшін ЮНЕСКО-ның халықаралық сыйлығына ие болған. «Бөбек» халықаралық балалар қайырымдылық қорын және «SOS – Қазақстанның балалар ауылдары» қорын құрған.
Сара Алпысқызы 5 мамырда Алматыдағы ауруханалардың біріне ауыр халде түскен.