Мақсаты айқын тәрбие бағдарламасы
<p style="text-align: justify;">Мемлекеттік кеңесші Ерлан Қариннің төрағалығымен жалпыұлттық құндылықтарға негізделген «Адал азамат» атты жаңартылған тәрбие бағдарламасын жүзеге асыру мәселелері жөнінде жиын өтті.</p>
Басқосуда Оқу-ағарту министрі Ғани Бейсембаев пен Бала құқықтары жөніндегі уәкіл Динара Зәкиева баяндама жасады.
Ерлан Қарин бағдарламаның негізгі міндеті өскелең ұрпаққа тәлім-тәрбие беру жұмысын жетілдіру, жүйелеу екенін айтты. Аталған жұмыс барлық білім беру мекемелерін қамтуға тиіс.
Мемлекеттік кеңесші тәрбие үдерісінде кешенді тәсіл қолдану, яғни мемлекет, мектеп және ата-ана арасындағы тығыз ықпалдастықты жолға қою қажет екенін ескертті.
Кездесу соңында тәрбие бағдарламасын мектептер мен колледждерге енгізу жұмысын жалғастыру туралы тапсырма берілді.