Білмей жасаған жақсылық
<p style="text-align: justify;">Интернеттегі қандай да бір сайт­қа кірмек болғанда, «Сіз робот емессіз бе?» деген жазуға жиі тап бола­мыз. Қисайған, бұлдыраған әріп­­терді теріп, «Captcha» деген тек­серістен өтеміз. Бірақ бұл жай ғана тексеріс емес.</p>
Аталған жүйе – екі жұмысты қатар атқаратын ақылды технология. Оның бірінші қызметі – пайдаланушының адам не бот екенін анықтау. Екіншісі – кітаптар мен газеттерден сканерленген, бірақ компьютер оқи алмаған сөздерді цифрлық форматқа көшіру. Сіз бұл сөзді оқып терген кезде, миллиондаған адам да сол тапсырманы орындап жатады. Егер олардың жауабы сәйкес келсе, жүйе сол сөзді растайды да, мәтін цифрлық архивке еніп, сақталып қалады. Осылайша, сіз ойламаған жерден – кітапханаларда шаң басып жатқан сирек еңбектердің қайта жаңғыруына үлес қосып отырасыз. Бұл – технология мен адам еңбегінің тамаша үндестігі.