СҚО-да кене қаптап, бес адам ауруханға түскен
<p style="text-align: justify;">Солтүстік Қазақстан облысында кене қаптап, бір жарым ай ішінде дәрігерге 408 адам жүгінген. Бұл былтырғы жылдың осы кезеңімен салыстырғанда үш есе көп, деп хабарлайды<strong> </strong><a href="/" target="_blank" rel="noopener noreferrer">Egemen.kz.</a></p>
Күннің ерте жылынып, ауаның жоғары температурасы қыстағы ұйқыдан кейін аталған жәндіктердің тезірек оянуына себеп болған.
Эпидемиологтардың ескертуінше, кенелердің агрессивті мінез-құлқы – мамыр айында қалыпты жағдай, табиғат аясында серуендеген кезде аса сақ болу қажет.
Алдын алу шаралары жүргізілгеніне қарамастан, жұқтырған жағдайларды толық болдырмау мүмкін болмаған.
Облыстық санитариялық-эпидемиологиялық бақылау департаментінің мәліметінше, 5 адамға «кене энцефалиті» диагнозы қойылып, ауруханаға жатқызылған. Үшеуі Петропавлда, екеуі Қызылжар ауданында тіркелген 5 науқастың да жағдайы тұрақты, қайтыс болғандар жоқ.