Ерекше ДНҚ-талдау

<p style="text-align: justify;">Америкалық «Nucleus Genomics» компаниясы ЭКО арқылы бала сүюге ниетті ата-аналарға арналған жаңа ДНҚ-талдау бағдарламасын ұсынды. Технология бірден 20 эмбрионның генетикалық профилін саралап, 900-ден астам тұқым қуалайтын ауруды анықтайды.</p>

Құрылғы тіпті болашақ баланың бойын, көз бен шашының түсін, «IQ» деңгейін, психикалық бұзылысқа бейімділігін де болжай алады. Нәтижені ата-аналарға генетик мамандар түсіндіріп береді. Жобаның негізін қалаушы Киан Садеги жүйені туысқаны генетикалық дерттен қаза болғаннан кейін ойлап тапқан. Ол бұл скринингті адам өмірін ұзартудың жаңа әдісі ретінде ұсынып отыр.