«Заң мен тәртіп» жалауы шың басында желбіреді
<p style="text-align: justify;">Алматы облысында «Заң және Тәртіп» идеологиясын ілгерілету аясында символикалық шара өтті. Құқық қорғау органдарының қызметкерлері 4120 метр биіктіктегі тауға бірлесіп шығып, шың басына «Заң және Тәртіп» жалауын тікті. Бұл – заң үстемдігі ең жоғары тұғырға қойылған мемлекетте тұрақтылық пен болашаққа сенімді білдіретін нышан, деп хабарлайды <a href="/" target="_blank" rel="noopener noreferrer">Egemen.kz.</a></p>
Шараға Ішкі істер министрлігі, Бас прокуратура, Қаржылық мониторинг агенттігі және Сыбайлас жемқорлыққа қарсы қызмет өкілдері қатысты.
Ту ұстау – заң үстемдігі ең жоғары орында тұрған мемлекетте тұрақтылық, даму және болашаққа деген сенім бар дегенді білдіреді.
Қазақстан Президенті Қасым-Жомарт Тоқаев заң мен тәртіп – әділетті мемлекеттің іргетасы екенін үнемі атап өтеді. Онсыз экономикалық даму, инвестициялар және азаматтардың сенімі мүмкін емес. Әділеттілік қалыпты құбылысқа айналуы керек, ал заңсыздық – ерекшелік қана болуы тиіс. Тек осы жолмен әр азамат өзін қорғалған сезінетін заманауи мемлекет құруға болады.
Маршрут Тұйықсу, Мыңжылқы шатқалдары, Альпинград альпинистік алаңы мен Мәншүк Мәметова асуы арқылы өтті. Бұл – әділет пен жауапкершілікке апарар жолдың символы.