Қазақстанда 47°С-қа дейін күн ысиды
<p style="text-align: justify;">«Қазгидромет» РМК синоптиктері 4-5 шілдеге арналған ауа райы болжамын жариялады, деп хабарлайды <a href="/" target="_blank" rel="noopener noreferrer">Egemen.kz</a>.</p>
Болжамға сәйкес, еліміздің оңтүстігінде ауа температурасы 43-47°С-қа дейін көтеріледі. Бұл күндері Қазақстан аумағында ауа райының қалыптасуына циклон және оған байланысты атмосфералық фронтальды жүйелер ықпал етеді.
Сол себепті республиканың солтүстік-батысында, солтүстігінде және шығысында найзағайлы өткінші жаңбыр жауып, кей жерлерде бұршақ түсуі мүмкін. Ал оңтүстік және оңтүстік-шығыс өңірлерде ауа райы негізінен құрғақ болады.
Батыс пен оңтүстік аймақтарда шаңды дауыл мен қатты жел күтіледі.
Күндізгі уақытта еліміздің басым бөлігінде ауа температурасы 35°С-қа дейін ысиды. Ал орталық және шығыс өңірлерде күн 40-42°С-қа дейін ысып, аптап ыстық болады. Оңтүстік пен оңтүстік-шығыста 35-40°С ыстық күтіліп, кей жерлерде 43-47°С-қа дейін көтеріледі.