Жұмысшы мамандықтарына қолдау көрсетеді

Жоғары деңгейдегі қамқорлық

Маусым айында компания Теміртау мен Жезқазған қа­лаларында заманауи вахталық қалашықтардың құрылысын бас­тап кетті. Бұл кешендерде демалыс бөлмелері бар жатақхана­лар, душ кабиналары, жаттығу залы, кір жуатын орын, асхана, оқу сыныбы бар кеңсе ғимара­ты, дәрігерлік пункт, серверлік бөлме, кешенге кіріп-шығуға арналған бақылау-өткізу пункті орналасқан.

Бұл жай ғана стандарт емес – үйден алыс жұмыс істейтіндерге деген жоғары деңгейдегі қам­қорлық.

Жақсы өмірге арналған 73 жоба

2025 жылға арналған IR-скрининг пен күрделі салымдар жоспары аясында компания 73 жобаны жүзеге асырып келеді.

«Ақтау» МГҚБ-да Опорный, Бейнеу желілік-өндірістік басқармаларындағы (ЖӨБ) тұр­мыстық үй-жайлар жөн­дел­ді. «Ақтөбе» МГҚБ-да ғима­рат­тардың қасбеті, душ кабиналары жаңартылды, терезелер мен шатыр ауыстырылды, қызмет­тік пайдалану блогы жөнделді. «Қызылорда» МГҚБ-да әкімшілік ғима­рат­тарды жөндеу аяқталды. «Алматы» МГҚБ-да қызметтік пайдалану блогінің, қойма және спорт залының күрделі жөн­деу жұмыстары аяқталуға таяу.

Қазіргі уақытта «Ақтау» МГҚБ-да жатақхана жөнделіп, жаңа қазандық орнатылып жатыр. «Ақтөбе» МГҚБ-да жаңа жарықдиодты жарықтандыру орна­тылып, климаттық жүйелер жаңартылуда. «Тараз», «Қостанай», «Атырау» МГҚБ-да бақылау-өткізу пункттері, электр кептіргіштер мен кептіру камералары және тағы басқалары қал­пына келтіріліп отыр.

Жайлылық ұсақ-түйектен басталады

Компания жұмысшыларды орналастырып, тұрмыстық ай­мақтарды жабдықтаудың жаңа стандарттарын белсенді түрде енгізуде. Олар:

– жиһаз: кереуеттер, үстелдер, шкафтар, киім ілгіштер;

– техника: кондиционерлер, су жылытқыштар, кір жуғыш машиналар, мұздатқыштар;

– жайлылық: жалюздер, айна, қол кептіргіштер, микротол­қынды пештер.

Жайлы ортаны қалыптастыру – қызметкерлерді ынталандыру мен өнімділігін арттыруға салынған инвестиция.

Кәсіпке деген мақтаныш – интергаздықтар жүрегінде

«Интергаз Орталық Азия» АҚ жұ­мысшы мамандықтарының беделін арттыру бағытында бел­сенді жұмыс жүргізіп жатыр. Басты басымдық – ашық қа­рым-қа­тынас. Бұл – еңбек ұжым­дары­ның басшылық, омбудс­мен, кәсіподақпен тұрақты кез­де­сулері – ашық диалог пен сенім кеңістігі.

Әйелдер бастамасының орны бөлек

Газ құбырларындағы өндіріс негізінен ерлерге арналғаны­мен, ИОА ұжымының 11%-ын әйел­дер құрайды. Сондық­тан ком­панияның барлық филиал­да­рында Әйелдер клубтары жұ­мыс істейді. Мұнда кездесулер, тренингтер, кәсіби даму бағдарламалары өтеді.

Әйелдер мен ерлер – филиал­дардағы қызметкерлер ЖӨБ арасында тағылым­дамадан өтіп, ротацияға қатысады, бұл білім алмасу мен команда құрамын күшейту үшін қажет.

Жүзден – жүйрік, мыңнан – тұлпар

Ұжым жұмысындағы мотива­циялық сәттердің бірі – өз кәсі­бінің үздіктері арасындағы «Үздік маман» байқауы. Бүгін­де компанияның жұмысшы мамандықтармен айналысатын қызмет­кер­лері барлық филиал­дарда өтіп жатқан іріктеу турлары шеңберінде жылдың үздік кәсіби маманы атағы үшін сайыс­­қа түсуде. Байқаудың қыр­­күйек­те өтетін финалы жыл­­дың басты оқиғасына ай­нал­мақ.

Денсаулық – басты назарда

Компания үшін әр қызмет­кердің денсаулығы – табысты жұмыстың кепілі.

Сол себепті алдын алу және еңбек үдерісінің тоқтап қа­луын болдырмау үшін компания АСМО атты электронды меди­циналық тексеріс жүйесін енгізді, ол денсаулыққа төнетін ықтимал қауіптер мен кәсіптік ауруларды алдын ала анықтауға мүмкіндік береді.

Енді барлық жұмыс нысан­да­рындағы «Денсаулық бұрыш­тарында» қызметкер­лерге автоматты тонометрлер, глюкометр­лер, дәрі қобдишалары мен де­фи­брилляторлар көмегі­мен күн­делікті тексеру­лер жүргізіледі. Бұл – шұғыл жағдайларда жедел жәрдем келгенге дейін адам өмірін сақтап қалудың жолы.

Мақсатымыз айқын: еңбекке құрмет пен мәртебе

«Еңбек адамы – назардан тыс қал­мауға тиіс. Біз тәсілі­міз­ді өз­гертудеміз: тек бақы­лап қана қоймай, қолдау көрсе­т­е­­міз, тек талап етпей, шабыттан­ды­рамыз», – дейді компания өкілдері.

«Интергаз Орталық Азия» АҚ – «Жұмысшы мамандықтары­ның жылы» нақты әрекет пен құр­меттің, ел экономикасын өз қолдарымен көтеретін қара­пайым еңбек адамдарына деген алғыстың жарқын үлгісі.

«Қызметкерлеріміздің жай­лы­лығына, денсаулығына, оларды қолдап, дамытуға салынған инвестициялар – бұл шығын емес, компания тұрақтылығы­ның негізі!» – дәл осы ұстаным­мен «Интергаз Орталық Азия» акционерлік қоғамы алға нық қадам басып келеді.