Қазақстан 456 теміржол локомотивін сатып алады

<p style="text-align: justify;">Үкімет отырысында көлік министрі Нұрлан Сауранбаев теміржол локомотивтері паркін жаңарту туралы айтты. Бүгінгі таңда елімізде 1,9 мың локомотив бар, деп жазады <a href="/" target="_blank" rel="noopener noreferrer">Egemen.kz</a>.</p>

«Жаңарту бағдарламасына сәйкес, 2029 жылға дейін барлығы 456 локомотив сатып алу жоспарланып отыр. Локомотивтерді жеткізушілер – қазақстандық «Электровоз құрастыру зауыты», «Локомотив құрастыру зауыты» және Қытайдың CRRC компаниясы», деді көлік министрі.

Сондай-ақ министр жүк операторлары 7 мыңнан астам жаңа вагон сатып алуды жоспарлап отырғанын жеткізді.

Қазақстанда 300-ден астам теміржол операторы жұмыс істейді. Олардың қол астында 142 мың жүк вагоны бар. Бұл қазіргі жүк тасымалының қажеттілігін толық қамтиды.

Оның ішіндегі «Қазақстан темір жолы» ұлттық компаниясының үлесі – 41%. Нұрлан Сауранбаев вагондар әлеуметтік маңызы бар бағыттарда да белсенді қолданылатынын атап өтті.
«2029 жылға дейін жүк операторлары тарапынан 7 мыңнан астам жаңа вагондар сатып алынады. Бұл жүк тасымалының өсіп келе жатқан әлеуетін сақтап, дамытуға мүмкіндік береді», деді ол.