Ғылым үшін жан пида

<p style="text-align: justify;">1980 жылы АҚШ-тың солтүстік-батысындағы Сент-Хеленс жанартауының жойқын атқылауы кезінде фотограф Роберт Ландсбург бірнеше апта бойы табиғат өзгерістерін суретке түсіріп жүрген еді. 18 мамыр күні төңіректі түтін мен от шарпығанда, Роберт қашып құтыла алмайтынын толық түсінген.</p>

Бірақ ол соңғы сәтіне дейін өз жұмысын тоқтатпай, түсірген кадрларын сөмкесіне салып, үстін өз денесімен жауып үлгеріпті. 17 күннен кейін құтқарушылар Роберттің денесін күл-топырақ астынан тапқанда, камерасы бүтін күйінде сақталған екен. Ал суреттері ғалымдарға жанартаудың атқылау барысын зерттеуге таптырмас дерек болды.