Сәтті сынақ

<p style="text-align: justify;">«SpaceX» тарихтағы ең ірі зымыран-тасығыш «Starship»-ті оныншы рет ғарышқа ұшырды. Бұл жолғы «Flight 10» миссиясы толығымен жоспарға сай сәтті өтті.</p>

Алдымен «Super Heavy» үдеткіші Мексика шығанағына сәтті қондырылды. Ал ғарыш кемесі «Ship» суборбиталық траекторияға шығып, сынақ үшін «Starlink» жасанды серіктерінің макеттерін ұшырды. Одан кейін ғарышта қозғалтқышын қайта іске қосып, соңында Үнді мұхитына қонған. Бұған дейінгі сәтсіздіктерден кейін «SpaceX» инженерлері көптеген өзгеріс енгізген. Соның нәтижесінде «Starship» алғаш рет ешқандай ақаусыз барлық сынақ мақсатын орындап, Марсқа біртабан жақындай түсті.