Балиде су тасқынына байланысты төтенше жағдай жарияланды
<p style="text-align: justify;">Индонезияның Бали аралында соңғы онжылдықтағы ең күшті су тасқынынан кейін бір апталық төтенше жағдай енгізілді, деп хабарлайды <a href="/" target="_blank" rel="noopener noreferrer">Egemen.kz</a>.</p>
Индонезия Президенті апаттың зардаптарын шұғыл жоюды, жоғалғандарды табуды және эвакуацияланған тұрғындарға алғашқы қажеттіліктерді жеткізуді тапсырған. Сонымен қатар Табиғи апаттардың салдарын жою жөніндегі ұлттық агенттіктің мәліметінше, іздеу-құтқару мен тазалау жұмыстарына 400-600 маман жұмылдырылған.
8 қыркүйекте басталған толассыз жауын Бали мен Шығыс Нуса-Тенгара провинциясында тасқын мен опырылуларға себеп болған. Салдарынан 120-дан аса ауылды су басып, 500-ден көп адам мектептер мен мешіттерге уақытша орналастырылған.
Алдын ала деректерге сәйкес, су тасқыны салдарынан шамамен 20 адам көз жұмып, тағы 10 тұрғын хабар-ошарсыз кеткен.