Маңғыстау облысында әскери қызметкер қаза тапты

<p style="text-align: justify;">7 қазан күні шекара қызметінің Маңғыстау облысы бойынша департаментінде оқыс оқиға орын алып, мерзімді әскери қызметін өтеп жүрген қызметкер қаза тапқан, деп хабарлайды <a href="/" target="_blank" rel="noopener noreferrer">Egemen.kz</a>.</p>

ҚР Ұлттық қауіпсіздік комитетінің Шекара қызметі алдын ала мәлімет бойынша, қайғылы оқиға техникалық жұмыстар кезінде қауіпсіздік шараларын сақтамау салдарынан болғанын мәлімдеді.

«Полиция органдары қылмыстық іс қозғады, қосымша қызметтік тергеу жүргізіліп жатыр. Қазақстан Республикасы Ұлттық қауіпсіздік комитетінің Шекара қызметі марқұмның туыстары мен жақындарына қайғырып көңіл айтады», делінген хабарламада.