Тегін құқықтық көмек алды
<p style="text-align: justify;">Ұлытау облысының орта­лығы Жезқазған қаласында «Халықтық заңгер» атты республикалық акция өтті. Бұл бастаманың мақсаты – заң үстемдігін нығайту, аза­мат­тардың құқықтық сауатын арттыру және мемлекеттік әрі заңгерлік қызметтердің қолже­тімділігін қамтамасыз ету.</p>
Акция аясында әрбір азамат тегін құқықтық кеңес алып, маңызды мәселелер бойынша түсініктеме және құқықтарын қорғау жөнінде нақты көмек ала алады. Іс-шараға прокуратура органдары, әділет және полиция қызметкерлері, әлеуметтік қорғау, білім және денсаулық сақтау саласының өкілдері, сондай-ақ тәжірибелі заңгерлер мен адвокаттар қатысты.
Іс-шарада әлеуметтік қолдау және әлеуметтік төлемдер, отбасы мен балалардың құқықтарын қорғау, кәсіпкерлердің құқықтарын қорғау, еңбек және жер қатынастары, алаяқтықтың алдын алу және азаматтарды қорғау, сондай-ақ тұрғын үй-коммуналдық мәселелеріне ерекше назар аударылды. Келіп түскен әрбір өтініш жеке қаралып, тиісті органдарға жолданып, прокурорлық бақылауға алынады.
«Басты міндетіміз – әрбір тұрғынға көмек көрсету, сұрағына жауап беріп, заңды құқықтарын қорғауға қолдау көрсету. Біз заң үстемдігін қамтамасыз етуге, азаматтардың құқықтары мен заңды мүдделерін қорғауға және қоғамдағы тұрақтылықты сақтауға бағытталған жұмысымызды табанды түрде жүргізе береміз», дейді заң өкілдері.
Ұлытау облысының прокуратурасы халықпен ашық диалогті жалғастыра береді. Акция аясында жүздеген адам тегін құқықтық көмек алды.
Ұлытау облысы