Бірыңғай QR: POS-терминалды ауыстыру қажет пе?
<p style="text-align: left;"><strong>Қазақстанда бірыңғай банкаралық QR жүйесі іске қосылғанымен кәсіпкерлер POS-терминалды ауыстыруға міндетті емес. Бұл туралы Ұлттық төлем корпорациясының төлем жүйесін дамыту департаментінің директоры Райымбек Шаймерденов айтты, деп хабарлайды <a href="/" target="_blank" rel="noopener noreferrer">Egemen.kz</a>.</strong></p>
Оның мәлімдеуінше, кәсіпкерлер бұрынғы POS-терминалдарын пайдаланып, жұмысын жалғастыра береді. Ал банктер құрылғыларды қашықтан жаңартып, жүйенің жаңа талаптарына сәйкестендіреді.
Департамент директоры сондай-ақ жүйенің қауіпсіздігіне тоқталды. QR-код екі есе шифрланған және тек банк домені мен транзакция идентификаторын қамтиды. Төлем реквизиттері QR-кодта көрсетілмейді, сондықтан жеке деректердің ұрлану қаупі жоқ.
«Жаңа жүйе кәсіпкерлер үшін ыңғайлы әрі қауіпсіз, банкаралық деңгейде төлем қабылдауға мүмкіндік береді», деп түйіндеді Шаймерденов.