Алматыда жаңа туған нәресте саудасына қатысты қылмыстық іс тіркелді
<p><strong>Алматы әуежайында шетел азаматтарының суррогат анадан туған балалармен елден шығуға әрекет жасағаны туралы ақпарат тарады. Сәбилерді сатумен бірнеше отбасылық жұп айналысқан, деп хабарлайды <a href="/" target="_blank" rel="noopener noreferrer">Egemen.kz</a>.</strong></p>
Алматы полициясының баспасөз қызметі оқиғаны растады.
«Полиция департаментінің тергеу басқармасы бұл дерек бойынша ҚР Қылмыстық кодексінің 135-бабы 1-бөлігі (кәмелетке толмағандарды саудалау) негізінде қылмыстық істі тергеп жатыр. Қылмыстық-процестік кодексінің 24-бабында көзделген істің барлық мән-жайын толық, объективті және жан-жақты зерттеу талаптары қамтамасыз етіледі», делінген хабарламада.
Айта кетейік, 2025 жылдың алғашқы жеті айында Қазақстанда адам саудасына қатысты 285 қылмыстық іс тіркелген. Олардың 28-і кәмелетке толмағандарға қатысты.