Иран Ислам Республикасының Президенті Ақордаға келді
<p data-start="141" data-end="287">Мемлекет басшысы Қасым-Жомарт Тоқаев Иран Ислам Республикасының Президенті Масуд Пезешкианды Ақорда резиденциясында ресми түрде қарсы алды, деп хабарлайды <a href="/" target="_blank" rel="noopener noreferrer">Egemen.kz</a>. </p>
Мәртебелі мейманның құрметіне салтанатты рәсім залында Құрмет қарауылы сап түзеді.
Президенттік оркестр екі елдің мемлекеттік гимндерін орындады. Қасым-Жомарт Тоқаев пен Масуд Пезешкиан кілем жолымен Қазақстан Республикасының Мемлекеттік туына бет алып өтті, одан кейін екі ел басшыларының шағын құрамдағы кездесуі басталды.
Бұған дейін хабарланғандай, Иран Президентінің ресми сапары аясында жоғары деңгейдегі келіссөздер өткізу жоспарланған. Онда сауда-экономикалық, көліктік-логистикалық және мәдени-гуманитарлық салалардағы Қазақстан-Иран ынтымақтастығын одан әрі нығайту мәселелері талқыланбақ.