Apple Google компаниясымен тағы бір келісімшартқа қол қойды
<p>Алдағы айларда Apple компаниясы өз құрылғыларындағы Siri дауыстық көмекшісін жаңартады, деп хабарлайды <a href="/" target="_blank" rel="noopener noreferrer">Egemen.kz</a>. </p>
Apple Google компаниясымен Gemini AI моделін пайдалану туралы келісімшартқа қол қойды. Ол бұл модельді Siri-ді жақсарту және нейрондық желі өнімдерінің басқа мүмкіндіктеріне біріктіру үшін пайдалануды жоспарлап отыр.
Apple, Temu, Valve: шетелдік компаниялардан қазынамызға қанша миллиард түсті?
Бұл Google-ға әлем бойынша 2 миллиардтан астам белсенді Apple құрылғыларына қол жеткізуге мүмкіндік береді. Келісімшарттың қаржылық шарттары жарияланған жоқ.
Reuters агенттігінің хабарлауынша, ішкі бағалаудан кейін Apple компаниясы Google технологиясын AI шешімдері үшін ең тиімді деп таныды. Келісім екі корпорация арасындағы серіктестікті жалғайды.
CNN хабарлауынша, бұл келісім Google үшін Кремний алқабының технологиялық алыптары арасындағы жасанды интеллект саласындағы көшбасшылық үшін бәсекелестікте «үлкен жеңіс» болып саналады.