НАТО-ға мүше үш ел Гренландияға әскер жібереді
<p data-start="153" data-end="526">АҚШ-тың Арктикадағы аралға қатысты мәлімдемелері аясында Германия, Швеция және Норвегияның әскери қызметкерлері 15-17 қаңтар аралығында барлау миссиясы шеңберінде Гренландияға барады. Жұмыстың мақсаты – аймақта қауіпсіздікті қамтамасыз ету жолдарын зерделеу. Бұл туралы Берлиндегі ресми өкілдер хабарлады, деп жазады <a href="/" target="_blank" rel="noopener noreferrer">Egemen.kz</a>. </p>
DW ақпарат агенттігінің мәліметінше, барлау миссиясы Данияның шақыруымен 15-17 қаңтар күндері өтеді.
«Барлау миссиясы өңірдегі қауіпсіздікті қамтамасыз ету мақсатында жасалады. Теңізді бақылау саласында Данияны қолдауға бағытталған әскерилердің қатысу мүмкіндіктері тексеріледі», деп түсіндірді ведомство.
Германия атынан миссияға 13 әскери қызметкер қатысады. Норвегия тарапынан екі сарбаз жіберіледі, бұл туралы елдің қорғаныс министрі Торе Сэндвик мәлімдеді. Швеция премьер-министрі Ульф Кристерссонның айтуынша, Швециядан да аралға бірнеше офицер аттанады.
Bild басылымының жазуынша, бұл миссияны Дания үйлестіреді, яғни операция АҚШ-тың келісімінсіз жүргізіліп отыр. Соңғы күндері АҚШ билігі Гренландияға қатысты аумақтық талаптарды қайта айта бастаған болатын.
Бұған дейін Дания парламентінің мүшесі Копенгаген Гренландияны тіпті ядролық қару қолдану қаупі төнсе де бермейтінін айтқан еді.