Оңтүстік Кореяның экс-президентіне сот үкімі шықты
<p><strong>Сеул соты елдің бұрынғы президентін сот төрелігіне кедергі келтіргені және әскери жағдай режиміне байланысты өзге де құқық бұзушылықтары үшін кінәлі деп таныды, деп хабарлайды <a href="/" target="_blank" rel="noopener noreferrer">Egemen.kz</a>.</strong></p>
Сейсенбі күні Сеул орталық округтік соты Оңтүстік Кореяның экс-президенті Юн Сок Ельге қатысты үкім шығарды. Сот шешіміне сәйкес, бұрынғы мемлекет басшысы 5 жылға бас бостандығынан айырылды. Бұл – 2024 жылдың желтоқсанындағы қысқа мерзімді әскери жағдай енгізу оқиғасына қатысты шығарылған алғашқы сот үкімі.
Yonhap агенттігінің хабарлауынша, Юн Сок Ель бірнеше ауыр баптар бойынша айыпталған:
-
Сот төрелігіне кедергі жасау: Өткен жылы тергеушілердің өзін ұстау әрекеттеріне белсенді түрде кедергі келтірген.
-
Әскери жағдай режимі: 2024 жылғы желтоқсандағы конституцияға қайшы әрекеттері мен соның салдарынан туындаған заңсыз бұйрықтар.
-
Лауазымдық өкілеттігін асыра пайдалану: Мемлекеттік органдардың жұмысына заңсыз араласу.
Экс-президент Юн Сок Ёльдің жұбайы жемқорлық ісі бойынша қамауға алынды
Айта кетейік, Юн Сок Ельдің билігі кезіндегі бұл даулы шешім елде жаппай наразылықтар тудырып, қызметінен шеттетілді. Қазіргі уақытта экс-президенттің адвокаттары бұл шешімге қатысты апелляциялық шағым түсіру мүмкіндігін қарастырып жатыр.
Оңтүстік Кореяның бұрынғы президентінің қамау мерзімі тағы ұзартылды