Бизнесті қолдауды бір жүйеге келтірсек
<p style="text-align: left;">Қазір бізде кәсібін дамытқысы келетін азаматтарға қолдау көп. Бірақ соны бір жүйеге түсірген жөн. Сонда ғана бизнестің ел эко­номикасындағы үлесі артады. Осы күні банктер ұсынып отырған мөлшерлемесі жоғары несие бизнестің адымын аштырмайды.</p>
«Ауыл аманаты» – ауылды дамытатын жоба. Мөлшерлемесі де тиімді. Жер-жерде осы бағдарлама аясында тірлігін бастап жатқандар аз емес. Алда осы мақсатта берілетін қаражатты ұлғайтып, кепілдік мәселесін елдегі ағайын үшін тиімді етсе құба-құп. Бұл ауыл шаруашылығы саласын көтерудің бірден-бір жолы. Алдағы 3 жылға бұл бағытқа 450 млрд теңге бөлінеді.
Тағы бір мәселе – бізде мемлекет тарапынан кәсіпкерлерге жасалып жатқан салық жеңілдігі мен қаржылай қолдаудың тиімділігін анықтайтын орган жоқтың қасы. Сондықтан да цифрлық платформа арқылы алынған қаржы мен жұмсалуы, ашылған жұмыс орындары, өндірістер саны талдануы керек. Бұл айтылған мәселенің бәрі Ұлттық құрылтай аясында көтеріліп, шешімін тапса игі.
Нұртай САБИЛЬЯНОВ,
Мәжіліс депутаты