9 минутта – 5 гол
<p style="text-align: left;">Осы күні ең көп тараған спорт түрі­нің бірегейі – футбол. Доп дода­сындағы бір сәттік серпілістің өзі тарихта қалатын кездер болады. Соның айқын дәлелі – 2015 жылғы 22 қыркүйекте болған ойын.</p>
Сол күні Германияның басты футбол біріншілігінде, яғни Бундеслигада «Бавария» өз алаңында «Вольфсбургті» қабылдады. Алғашқы таймда қонақтар есеп ашып, «Бавария» жанкүйерлерін алаңдатқандай болған. Бірақ екінші тайм басталғанда алаңға шыққан Роберт Левандовски бәрін таңғалдырды. Поляк шабуылшысы 51-минуттан 60-минутқа дейінгі аралықта, яғни небәрі тоғыз минутқа жетпейтін уақытта қарсылас қақпасына 5 гол соқты. Бір ойынның ішінде мұндай көрсеткіштің өзі сирек, ал оны қысқа уақытта қайталау тіпті ғажап. Нәтижесінде, матч 5:1 есебімен аяқталып, Левандовскидің бұл рекорды Бундеслига тарихындағы ең есте қалар сәттердің біріне айналды.