14 жасында чемпион
<p style="text-align: left;">Олимпиада чемпионы болу – әр спорт­шының арманы. Кейде сол арман­ға мектеп жасындағы жасөспірім­дер де қол жеткізеді. 2024 жылғы Па­риж Олимпиадасында аустралия­лық скейт­бордшы Ариса Трю небәрі 14 жа­сында әйелдер ара­сындағы «парк-скейт­бординг» сайысында алтын медаль жеңіп алды.</p>
Бұл жарыс арнайы жасалған алаңда өтеді. Яғни оның ішінде иілген қабырғалар, шұңқырлы бөліктер, түрлі төбешіктер бар. Спортшы сол жерлерге екпіндеп келіп, биікке көтеріледі де, түрлі қимыл жасап қайта қонады. Әуелде көбі Ариса Трюді «бала ғой» деп менсіне қоймап еді. Бірақ «елемеген шыбық көз шығарады» емес пе? Финалда жасөспірім қыз жарқ етіп шығып, жасындай жарқырады. Осылайша, 14 жастағы оқушының өзі мықтылар тізімінде көш бастады.