37 градус аяз: Алдағы демалыс күндері күн күрт суытады
<p style="text-align: left;">«Қазгидромет» ел аумағында алдағы демалыс күндері күн райы құбылып, ауа температурасы төмендейтінін хабарлады, деп жазады <strong><a href="/" target="_blank" rel="noopener noreferrer">Egemen.kz</a>.</strong></p>
Еліміздің басым бөлігінде циклон мен атмосфералық фронттардың әсерінен жауын-шашын болады. Солтүстік және шығыс өңірлерде қалың қар жауады. Ал оңтүстік облыстарда жаңбыр жаууы ықтимал. Сондай-ақ екпінді жел күшейіп, боран соғады, көктайғақ пен тұман түседі.
Аяз, боран, көктайғақ: Еліміздің 16 өңірінде ескерту жарияланды
Кейіннен антициклон батыс өңірлерге ығысады. Соның әсерінен жауын-шашын тоқтап, ауа температурасы төмендейді.
«Түнгі уақытта батыс облыстарда ауа температурасы 10-22 градус, солтүстік облыстарда 17-25 градус, ал оңтүстік облыстарда 0-8 градусқа дейін аяз болады. 23 ақпаннан бастап солтүстік-батыста, 24 ақпаннан бастап солтүстік, шығыс және орталық өңірлерде ауа температурасының күрт төмендейтіні болжанып отыр. Кей жерлерде 25-37 градусқа дейін аяз болуы ықтимал», делінген «Қазгидромет» таратқан хабарламада.