«Самұрық-Қазына» қызметкерлерінің 10%-ын қысқартады
<p><strong>«Самұрық-Қазына» қоры қызметкерлерінің 10%-ын қысқартады. Бұл шешім Қазақстан Президенті <span class="hover:entity-accent entity-underline inline cursor-pointer align-baseline"><span class="whitespace-normal">Қасым-Жомарт Тоқаев</span></span>тың квазимемлекеттік сектордағы кадрлық құрылымды қайта қарау және тиімділікті арттыру қажеттігі жөніндегі ұсыныстарына сәйкес қабылданды, деп хабарлайды <a href="/" target="_blank" rel="noopener noreferrer">Egemen.kz</a>.</strong></p>
Қордың басқарма төрағасы Нұрлан Жақыпов мәлімдегендей, қысқартулар тек әкімшілік-басқарушылық қызметкерлерді қамтитын болады. Барлық корпоративтік шешімдер қабылданып, еңбек заңнамасына сәйкес жүзеге асады.
Ол бұл шаралар наурыз айының соңына дейін толық іске асырылатынын атап өтті.
«Қысқартулар тек Астанадағы әкімшілік-басқару бөлімдеріне қатысты болады, өндірістік құрылымға әсер етпейді. Астанадағы қор қызметкерлерінің жалпы саны 6,5 мың адам, сондықтан шамамен 650 адам қысқартылады», деді Нұрлан Жақыпов.
Бұған дейін Президент Қасым-Жомарт Тоқаев кеңейтілген Үкімет отырысында кейбір компанияларда басқарушылық кадрлардың шамадан тыс көптігін ескеріп, құрылымды қайта қарауды тапсырған еді.
Тоқаев Ұлттық банк Төрағасының орынбасарын лауазымынан босатты