«ҚазАвтоЖол» ұлттық компаниясы 17 наурыз сағат 09:00-дегі жағдай бойынша «РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы» автожолының 776-1153 шақырым аралығында (ЭКО Ойл ЖҚС – Ырғыз ауылы) көлік қозғалысына уақытша шектеу енгізілгенін хабарлады.
Аталған жолды сол күні сағат 18:00-де ашу жоспарланып отыр.
Сондай-ақ осы өңірде «Қостанай – Рудный – Денисовка – Комсомольское – Қарабұтақ» автожолының 5-234 шақырым аралығы (Қарабұтақ ауылы – Қостанай облысының шекарасы) да жабық.
Жалпы, еліміз бойынша дәл осы уақытта 2 облыстағы 5 республикалық автожол учаскесінде қозғалысқа шектеу қойылған.
Қостанай облысында келесі бағыттарда қозғалыс уақытша тоқтатылды:
- «Қостанай – Рудный – Денисовка – Комсомольское – Қарабұтақ» автожолының 234-320 шақырымы (Ақтөбе облысының шекарасы – Бестөбе ауылы);
- Аталған жолдың 320-501 шақырымы (Бестөбе ауылы – Рудный қаласы);
- «Қостанай – Әулиекөл – Сұрған» автожолының 8-218 шақырымы (Тобыл қаласы – Октябрьское ауылы);
- «Астана – Атбасар – Жақсы – Рузаевка – Сарыкөл – Қостанай – РФ шекарасы» автожолының 555-682 шақырымы (Тобыл қаласы – Сарыкөл кенті).
Қазіргі уақытта республикалық жолдарды күтіп-ұстау жұмыстарына 935 бірлік арнайы техника жұмылдырылған.
Жолдағы ахуалға байланысты қосымша мәліметті 1403 байланыс орталығына хабарласып білуге болады.
Жаңбыр және тұман: 17 наурызда елімізде ауа райы қандай болады?