Шахтинскіде көпқабатты үйде газ жарылды: 8 адам зардап шекті
<p>Шахтинск қаласындағы көпқабатты тұрғын үйлердің бірінде тұрмыстық газ баллоны жарылды. Бұл туралы Қарағанды облысының Төтенше жағдайлар департаменті хабарлады, деп жазады <a href="/" target="_blank" rel="noopener noreferrer">Egemen.kz.</a></p>
Құтқарушылар шақырту түскен сәттен бастап төрт минут ішінде оқиға орнына жеткен. Жарылыс салдарынан өрт тұтанып, пәтер ішіндегі жиһаз бен тұрмыстық заттарды шарпыған. Жоғарғы қабаттарда қалған 5 адам баспалдақ арқылы эвакуацияланды. Өрт сөндірушілер келгенге дейін тұрғындардың бір бөлігі өз бетімен сыртқа шықса, енді бірін полиция қызметкерлері қауіпсіз жерге көшірген.
Оқиға салдарынан 8 адам зардап шекті, олардың 5-і – полиция қызметкері. Барлығы медициналық мекемеге жеткізілген. Өрт 40 шаршы метр аумақта толық сөндірілді.
Қазір жарылыстың себептері мен мән-жайы анықталып жатыр.