Түркияда оқушы мектепте атыс шығарды: 16 адам зардап шекті

Түркияның Шанлыурфа провинциясында мектепте қарулы шабуыл болып, 16 адам зардап шекті. Оқиға Ахмет Коюнджу атындағы Анатолия кәсіби-техникалық лицейі аумағында болған. Мәліметтерге сәйкес, 19 жастағы жігіт алдымен мектеп ауласында, кейін ғимарат ішінде ұзын ұңғылы қарумен оқ атқан, деп хабарлайды <a href="/" target="_blank" rel="noopener noreferrer">Egemen.kz</a>.

Атыс басталған сәтте мектепте дүрбелең туып, кейбір оқушылар терезеден секіріп қашуға тырысқан. Оқу орны тез арада эвакуацияланды.

Провинция губернаторы Хасан Шылдак шабуыл салдарынан 16 адамның жараланғанын айтты. Олардың ішінде 4 мұғалім, 10 оқушы, асхана қызметкері және бір полицей бар. Төрт адамның жағдайы орташа ауыр деп бағалануда.

АҚШ-та Ақ үй маңында атыс болды

Шабуыл жасаған адам бұрын осы мектепте оқыған, бірақ кейін басқа оқу орнына ауыстырылғаны белгілі болды. Полиция қоршауға алған кезде, ол ұсталып қалатынын түсініп, өз-өзіне қол жұмсаған.

Алдын ала мәлімет бойынша, шабуылдың себебі оның басқа мектепке ауыстырылуына байланысты наразылық болуы мүмкін. Қазіргі уақытта оқиға бойынша тергеу жүргізіліп жатыр.