Үкімет отырысында сөз сөйлеген Премьер-министр ерекше балаларды сүйемелдеу жүйесінде бірқатар түйткіл бар екенін ашық айтты. Оның сөзінше, бүгінгі таңда психологиялық-медициналық-педагогикалық комиссиялардың жұмысы толық жүктемені көтере алмай отыр.
«Психологиялық-медициналық педагогикалық комиссия мұқтаж балаларды түгел кешенді тексеруден өткізіп үлгере алмай жатыр. Ұзын кезек бірнеше айға дейін созылып кетіп отыр.
Арнайы мамандар – яғни логопедтер, сурдологтар, реабилитологтар жетіспейді. Педагогтерде ерекше балалармен және ересектермен жұмыс істеу дағдысы толық қалыптаспаған.
Мысалы, мұғалімдердің барлығы бірдей ерекше білім беру қажеттіліктері бар оқушылармен қалай тиімді қарым-қатынас орнату керектігін біле қоймайды. Оны азаматтардың көптеген өтініштерінен байқауға болады», деді Олжас Бектенов.
Премьер-министр атап өткендей, кадр тапшылығы мен әдістемелік дайындықтың әлсіздігі ерекше білімді қажет ететін балаларға сапалы қолдау көрсетуге кедергі келтіріп отыр. Осыған байланысты Үкімет жүйелі шаралар қабылдауға ниетті.
Атап айтқанда, Оқу-ағарту министрлігіне мұғалімдерге арналған арнайы оқыту курстарын тұрақты түрде ұйымдастыру тапсырылды. Бұл курстар педагогтердің ерекше балалармен жұмыс істеу дағдыларын жетілдіруге бағытталмақ.
Сонымен бірге 1 қыркүйекке дейін инклюзивті білім берудің сапалы жаңа моделін енгізу міндеті қойылды. Жаңа тәсіл аясында кадрлармен қамтамасыз ету деңгейін арттыру, сондай-ақ қолдау қызметтерін күшейту көзделген.
Алматыдағы жеке оңалту орталығында ерекше балаларды ұрып-соққан
