Алматыдағы көтерме базарда бағаны негізсіз көтерген 9 делдал анықталды
<p data-path-to-node="3"><strong>Премьер-министр Олжас Бектеновтің тапсырмасына сәйкес, Алматыда әлеуметтік маңызы бар азық-түлік тауарларының бағасын негізсіз өсірмеу мақсатында ауқымды тексеріс жүргізілді. Қаланың ең ірі көтерме базары саналатын «Барыс-4» нысанындағы мониторинг барысында бағаны негізсіз құбылтып келген 9 делдал анықталды, деп хабарлайды <a href="/" target="_blank" rel="noopener noreferrer">Egemen.kz</a>.</strong></p>
Тексеріс шараларына Сауда және тұтынушылардың құқығын қорғау департаменті, Мемлекеттік кірістер департаменті, Экономикалық тергеп-тексеру департаменті және аудан әкімдіктері жұмылдырылды.
Бірлескен топ базардағы көтерме сауда тізбегін мұқият талдап, тауардың өндірушіден сөреге жеткенге дейінгі жолын зерттеді. Нәтижесінде бағаның өсуіне тікелей әсер еткен 9 тиімсіз делдал анықталды. Қазіргі уақытта Мемлекеттік кірістер департаменті бұл кәсіпкерлік субъектілеріне қатысты хронометраждық тексерулер жүргізіп жатыр.
Тексеріс кезінде саудагерлер мен базар әкімшілігіне заңнама талаптары қатаң ескертілді. Әсіресе:
- Әлеуметтік тауарларға қосылатын үстеме баға 15%-дан аспауы тиіс;
- Баға белгілері (ценниктер) тұтынушыларға анық көрінетін жерде тұруы керек.
Анықталған делдалдар мен заң бұзған кәсіпкерлерге қатысты материалдар Өңірлік комиссияның отырысына жолданды. Билік өкілдері азық-түлік бағасын бақылауда ұстау жұмыстары тұрақты түрде жүргізілетінін мәлімдеді.
15%-дық межеден асқан: Азық-түлік бағасын негізсіз көтерген кәсіпкерге айыппұл салынды