«Қазцинк» зауытындағы жарылыс: Полиция қылмыстық іс қозғады
<p><strong>Өскемен қаласындағы «Казцинк» зауытында болған жарылыс пен өрттен кейін Шығыс Қазақстан облысы полиция департаменті сотқа дейінгі тергеуді бастады, деп жазады <a href="/" target="_blank" rel="noopener noreferrer">Egemen.kz</a>.</strong></p>
Полиция мәліметінше, тергеу еңбекті қорғау ережелерінің бұзылуы салдарынан екі немесе одан да көп адамның қаза болуы фактісі бойынша басталған.
«Оқиға орнында тергеу-жедел топтар іске кірісті, жағдайдың мән-жайын анықтау үшін бірден тергеу әрекеттері жүргізіліп жатыр», делінген хабарламада.
Айта кетейік, бүгін Төтенше жағдайлар министрлігі Өскемендегі зауытта жарылыс болғанын хабарлады.
Кейіннен жарылыстан зардап шеккен төрт адам ауруханаға жеткізіліп, 2 адам қаза тапқаны белгілі болды.
Сондай-ақ зауытта үйінділерді аршу жұмыстары жүргізіліп жатыр. Ал Үкімет отырысында Премьер-министр Олжас Бектенов жағдайды жеке бақылауына алғанын айтты.