Қарасай ауданында құтқарушылар темір қоршауға қысылып қалған баланы құтқарды
<p class="isSelectedEnd">Алматы облысының Қарасай ауданында құтқарушылар металл қоршаудан өте алмай қалған балаға көмек көрсетті. Оқиға Учхоз ауылында болған. 2016 жылы туған бала темір қоршаудан асуға әрекеттенген кезде қолын арматураға іліп алып, өздігінен шыға алмай қалған, деп хабарлайды <a href="/" target="_blank" rel="noopener noreferrer">Egemen.kz</a>.</p>
Оқиға орнына жедел жеткен Төтенше жағдайлар министрлігінің «Барыс» республикалық жедел-құтқару жасағының мамандары арнайы гидравликалық құралдың көмегімен металл шыбықты кесіп, баланы босатты.
Құтқарушылар қажетті көмекті көрсеткеннен кейін баланы ата-анасы қосымша медициналық тексеруден өткізу үшін ауруханаға жеткізген.
Төтенше жағдайлар министрлігі балалардың қауіпсіздігі ересектердің тұрақты бақылауы мен жауапкершілігіне байланысты екенін еске салып, ата-аналарды сақ болуға шақырды.
Еске салайық, Қостанай облысында полицейлер мұз астына түсіп кеткен екі балықшыны құтқарды.
Жетісу облысында патрульдік полиция қызметкерлері жол бойында болған көлік өртін дер кезінде сөндіріп, адамдарды аман алып қалды.